17.10.2014 14:21:37

Сметководствена поддршка

Сметководствена подршка е наменета за мали и средни субјекти со поголем обем на работа и имаат вработен сметководител или овластен сметководител кој извршува сметководствени работи и сакаат да обезбедат сигурност и квалитет од професионален овластен сметководител и даночен советник.

Клиентите добиваат професионална

сметководствена поддршка секојдневно

Нашите стандардизирани процеси се насочени да ги упатат вашите вработени во вештините на исправна примена на законските прописи, навремено Ве запознаваат со најновите измени и промени во законската регулатива, вршат контрола и укажуваат на законската исправност на целокупната финансиска документација (договори, фактури, материјало работење на големо и мало, производство, споредните евиденции, благајничко работење и сл.) и ажурно и исправно евидентирање на сите настанати деловни трансакции во пропишаните рокови, согласно законите од даночната регулатива, сметководство и Меѓународните сметководствени стандарди кои се применуваат во РМ и учество во изготвување на финансиски и даночните извештаи.

За да можете целосно да ја добиете нашата сметководствена поддршка, првенствено е потребно да се превземат два основни чекора, и тоа:

1. да се изврши анализа на донесените сметководствени политики и процедури и во колку се покаже потреба да се промени или воведе нова политика или процедура, или доколку немате сметководствени политики и процедури да се изготват, и

2. да се направи интерна ревизија во деловни книги за да се утврди дали се применуваат сметководствените политики и процедури, и доколку се констатира дека не соодветно или воопшто не се применуваат се изготвува упаство за усогласување на фактичката евиденција со политиките и процедурите.

По завршување на основните чекори се изготвува сметководствен процес, упатување на вашите вработени во вештините на исправната примена на законските прописи и исправно евидентирање на сите настанати деловни трансакции во пропишаните рокови согласно законската регулатива.

Во работата мора да постои некој кој ќе ги постави целите,
а потоа ќе ги упати и другите да се движат кон нив.